港德於「綠色採購交流分享會」分享：讓綠色，成為可以驗證的事

2026 年 8 月 13 日（星期四），港德環保科技應愛回收慈善基金邀請，出席喺香港會議展覽中心「家電·家居·博覽」Live WELL Stay WELL 舞台舉行嘅「綠色採購交流分享會」，由我們的業務總監李全發先生代表公司擔任分享嘉賓。分享題目係「買得到的綠色，驗得到的承諾」，向現場約六十至七十位地產、物業管理、綠色建築、認證同科技界嘅參加者，講解綠色採購背後嘅證據鏈，以及三條可以寫入採購文件嘅提問。

On Thursday 13 August 2026, HKDE Envirotech spoke at the Green Procurement Sharing Session organised by iRecycle Charity Foundation on the Live WELL Stay WELL stage of the HKTDC Home Delights Expo at HKCEC, represented by our Business Director Mr. Chris Lee. The talk, "Verifiable Green Procurement", set out for some 60–70 industry guests what an evidence chain behind green procurement looks like, and three questions a buyer can put to any supplier.

活動概況

是次分享會由愛回收慈善基金主辦、香港貿發局「家電·家居·博覽」提供場地，並獲約三十個商會、專業團體同機構支持。七位分享嘉賓來自地產、綠色建築、認證同科技界：

• 于正人先生 — 恒基兆業地產集團 主席辦公室顧問及可持續發展部主管
• 葉頌文博士, MH — 環保建築專業議會 副主席
• 周海銘工程師 — 譽領企業有限公司 行政總裁
• 王嘉敏女士 — 托寶智能方案有限公司 行政總裁兼創辦人
• 李全發先生 — 港德環保科技有限公司 業務總監
• 陳顯進先生 — 香港通用檢測認證有限公司（SGS）業務發展經理－可持續發展
• 黃紹文博士 — 愛回收慈善基金 ESG 服務主管

活動下午二時登記進場，開場同大合照之後，由二時半至四時十五分係嘉賓分享，四時十五分起係交流環節。

Organised by iRecycle Charity Foundation with venue support from the HKTDC Home Delights Expo and around thirty supporting organisations, the session featured seven speakers from Henderson Land, the Professional Green Building Council, Unity, Tobot, HKDE, SGS Hong Kong and iRecycle.

港德分享重點

港德嘅分享由一單新聞講起。八月初，本港一間知名私家醫院嘅飲用水裝置驗出軍團菌超出行動水平 165 倍，裝置全面停用，病人改飲樽裝水。港德以此帶出一個問題：連每日飲嘅水都可以出事，企業採購返嚟嘅「綠色」，有冇人驗證過？

呢個亦唔係個別事件。退伍軍人病個案喺過去幾年翻咗一倍有多；衞生防護中心點名嘅高風險水源冷卻水塔，大多數就喺商廈同屋苑天台。港德指出，問題唔在於意外，而在於大部分水點全年只靠幾次人手抽驗，兩次抽驗中間嘅日子冇人睇住。水安全同綠色採購其實係同一個問題：冇驗證，就只係一個假設。

證明綠色，比揀綠色更難

港德指出，市面上大部分嘅「綠色」只有一張證書：拍照嗰日達標，其餘日子冇人知。隨住港交所氣候披露對大型股全面強制、消費者委員會提醒認清漂綠手法、歐盟《綠色聲稱指令》草案要求環境聲稱經第三方核實，漂綠嘅風險最終會由採購方承擔。「有據可查」已經成為採購嘅基本要求。

四層證據鏈

港德提出嘅做法，係一條四層嘅證據鏈：

1. 現場儀器 — pH、濁度、餘氯、流量連續量測，五分鐘一個數。
2. 數據平台 — 超標即時推送；邊個改過數、幾時改、改咗乜，全部留痕，唔可以改寫。
3. 認可實驗室 — 定期化驗交叉核驗，以認可結果為準。
4. 披露就緒 — 數據直接對應 GRI 303，並可按 ISSB／SASB 行業指標同 CDP 要求整理。

港德用專科醫生同智能手錶做比喻：認可實驗室嘅化驗好似專科醫生嘅定期檢查，權威判定由佢負責；連續監測就好似全日戴住嘅手錶，令兩次檢查中間嘅日子都有數可查。連續數據唔會取代法定化驗，但可以令「達標」由一年幾次嘅快照，變成每日都有紀錄。

三個應用場景

建造工地。2026 年夏天，港德團隊喺香港一個大型基建工地做咗三輪現場處理小試，將 pH 超過 10 嘅強鹼性濾液調節至合規範圍，懸浮物去除率超過八成（現場儀器讀數，合規判定以認可實驗室化驗為準）。排放口嘅 pH、濁度同流量連續監測，超標即時推送並自動留痕。有關工地資料受保密協議約束，恕不披露。

物業同設施。物業管理手上有泳池、冷卻水塔、食水缸三類法定水點，以往三套人手、三份紙本報告；港德將三類水點接入同一個平台。感應器量度嘅唔係細菌本身，而係細菌滋生嘅兩個條件：水溫同餘氯。連續監測加上定期認可實驗室化驗，先構成全年嘅水安全計劃。現場安裝由香港持牌承建商負責，微生物化驗由認可實驗室負責，港德統籌整條流程，物管只需面對一個窗口。

企業同酒店。港德提供訂閱式數據服務（DaaS），客戶唔使購置設備或自組團隊，每月收到一份對應 GRI 303、並可按 ISSB／SASB 同 CDP 要求整理嘅報告。對同場嘅 ESG 顧問，港德嘅定位係提供報告背後嘅數據層，顧問專注寫報告。

技術後盾

港德嘅技術夥伴廈門市吉龍德環境工程有限公司於 1998 年成立，專注環境監測二十八年，其總經理曾參與起草國家計量技術規範 JJF 1977-2022《水中揮發酚在線監測儀校準規範》。集團擁有 43+ 項專利，包括美國及韓國發明專利；旗下聲學層析流量儀曾喺九龍江北溪江東水庫（廈門市飲用水源）運行，2014 年颱風海貝思期間同浦南水文站嘅流量數據比對，相關係數 0.96；2015 年颱風期間亦持續記錄北溪流量變化。以上資歷資料由吉龍德提供。港德係吉龍德港澳獨家代理，儀器同平台技術同源，以香港嘅服務標準同責任體系交付。

綠色採購三問

港德希望參加者帶走嘅，係三條可以直接問供應商嘅問題，無論採購嘅係乜嘢、供應商係咪港德都適用：

呢三條問題本身就係一個供應鏈管理工具，可以寫入採購文件同 RFQ；答唔到嘅供應商自然會現形。三題都答得到，先算係買得落手嘅綠色。

港德喺分享結尾重申：港德唔係認證機構，亦唔係化驗所；港德做嘅，係令數據有來源、改唔到、查得到——讓綠色，成為可以驗證的事。

講者感謝狀

分享結束後，愛回收慈善基金 ESG 服務主管黃紹文博士向我們的業務總監李全發先生頒發講者感謝狀。港德感謝愛回收慈善基金安排今次交流平台。

After the talk, Dr. Raymond Wong, Head of ESG Services at iRecycle Charity Foundation, presented our Business Director Mr. Chris Lee with the speaker's certificate of appreciation.

港德同愛回收嘅淵源

港德環保科技已獲愛回收慈善基金頒發「致力實現 SDG 可持續發展目標編號 6」證書，由香港通用檢測認證有限公司（SGS）作為技術合作夥伴進行獨立評估。今次以參與商戶同分享嘉賓身份支持活動，係呢項承諾嘅延續。